نادي العلوم البيولوجية
جامعة الكويت
كل شي تسويه في الموقع — مسودات الجدول، تقدّمك في شيت التخرج، حاسبة المعدل، تخصصك، ووضع الألوان — ينحفظ في متصفحك أنت فقط. ما يطلع من جهازك. وإذا مسحت بيانات المتصفح أو غيّرت جهاز، يروح.
لما تسجّل دخول بحساب جوجل، نفس هالبيانات تنحفظ في حسابك على الموقع عشان توصلها من أي جهاز. ونحفظ معها إيميلك فقط — ما نطلب من جوجل اسمك ولا صورتك ولا أي بيانات شخصية ثانية.
أنت، وإدارة النادي عبر لوحة التحكم. ما نشاركها مع أي طرف خارجي، وما نستخدمها في إعلانات.
رقمك المدني، كلمة سر الجامعة، أو أي بيانات بنكية. الدخول يمر عبر جوجل مباشرة — إحنا ما نشوف كلمة سرك ولا نخزّنها.
صفحة الانضمام للنادي هي المكان الوحيد اللي نطلب فيه بيانات تعريفية عنك، ولا ترسل شي إلا لما تضغط «إرسال الطلب» بنفسك.
اسمك، رقمك الجامعي، إيميلك، رقم تلفونك، تخصصك الرئيسي والمساند، سنتك الدراسية، معدلك العام (GPA) ومعدل تخصصك (MGPA)، اللجنة اللي تختارها، دافعك للانضمام، صورة جدولك الدراسي، وصورة لتأكيد المعدلين. حساب الإنستقرام، المهارات، تفضيلات المهام داخل اللجنة، وإذا كنت عضو سابق — كلها اختيارية أو تُطلب حسب اختياراتك.
لإدارة العضوية وتوزيع الأعضاء على اللجان وترتيب مواعيد الاجتماعات — الجدول تحديداً يبيّن أوقات فراغك، وصورة تأكيد المعدل تتأكد إن الأرقام اللي كتبتها صحيحة. تشوفها إدارة النادي فقط عبر لوحة التحكم، ولا تظهر لأي زائر ولا لأي عضو ثاني، وما نشاركها مع أي جهة خارجية. معدلك ما ينشر ولا يستخدم إلا في المفاضلة الداخلية.
نحتفظ بالطلب طول فترة عضويتك. تبي تسحب طلبك أو تحذف بياناتك — راسلنا على biosciclub@gmail.com ونحذف الطلب والصورتين معه.
راسلنا على biosciclub@gmail.com ونحذف حسابك وكل اللي فيه. وتقدر تسجّل خروج بأي وقت وترجع تستخدم الموقع بدون حساب.
نحسب كذلك عدد الزيارات اليومي بشكل إجمالي، بدون ربطه بأي شخص.
← رجوع للموقع